تعالوا نتبادل خيوطنا

بسم الله الرحمن الرحيم

السلام عليكم ورحمة الله وبركاته

أخواتي الحبيبات..

أنا تابعتكم بالقسم هذا من سنة تقريباً واستفدت منكم كثير

وأقولها بصدق: جزاكم الله ألف خير..

لأني في البدايات كنت مرة جاهلة بكثير من الشغلات المتعلقة بهذا الفن الراقي..

بس بعد متابعة الأخوات هنا بالتحديد من بين كل المنتديات اللي بتتكلم عن الكروشيه

استطعت بفضل الله أكون لي رؤية خاصة..

وخلوني أقولكم على حاجة..

لما تحبي الكروشيه طبيعي راح تنجني على شي أسمه خيوط!!

أتكلم معاكم جد، بشكل غير طبيعي صار عندي هوس بالخيوط..!!

الحمد لله جربت أنواع كثيرة منها..وقبل كذا استفدت كثير من موضوع

استاذتنا سهام مجاهد الله يحفظها..اللي عن الخيوط..

فقلت قبل أبدأ أوريكم شغلي زي باقي الفنانات هنا..

أوريكم خيوطي اللي بشتغل عليها حتى أشوف عندكم نفس الهوس اللي عندي بالخيوط والا لا؟؟ههههههه

يالله حبيباتي كل وحدة تورينا الخيوط اللي تشتغل فيها ولو تعرف معلومات عن خيوطها

تقول بالنهاية كلنا ان شاء الله راح نستفيد..

راح أبدأ بسم الرحمن الرحيم..

بما اني أسكن في مدينة صغيرة مافيها كثير محلات خيوط..

فخيوط القطن نادرة جداً عندنا..

لكن الحمد لله قدرت أحصل نوعين منهم اللي هم هذول:

تعالوا نتبادل خيوطنا 001

الأصفر والوردي صناعة مصرية أما الفوشي والسماوي فصناعة صينية!!

المصري حلووووو مرة بالشغل والشغل فيه ممتع جداً..

دي مجموعة تانية من خيوط القطن الصيني على شكل كرات صغيرة..

تعالوا نتبادل خيوطنا 002

أتذكر لمن كنا بالمتوسط اول درس نتعلم فيه التفصيل والخياطة يكون انواع الخيوط

وكانوا يقولوا لنا دي اسمها(كوتون برليه) بس مافيه معلمة وحدة كلفت نفسها تقول انها قطنية!!خخخخخخ

ودي مجموعة ثالثة من الخيوط القطنية بس مموجة ..

تعالوا نتبادل خيوطنا 003

طبعا فتلتها رفيعة زي ماهو واضح..

انتهت عائلة الـ (كوتون برليه) خخخخخ

***

نجي لخيوط هنا انا ما أعرف هي ايش بالضبط..

لكن الشغل فيها يطلع جنآآآآآآآآن خصوصاً للاكسسوارات والقطع الصغيرة..

ما ينفع للملابس لأنه خشن على البشرة..

تعالوا نتبادل خيوطنا 004

طبعاً ألوانه كثيرة وسعره مرة رخيص الكورة بـ5 ريال سعودي..

تعالوا نتبادل خيوطنا 005

هذي معلومات عنه مكتوبه عليه....الظاهر انتوا تعرفوا تقروا خخخخخخخخخ..

***

هذي الخيوط واحد منها اللي بيسموه الخيش وواحد ما أعرف ايش اسمه بالضبط

لكنه يشبه خيوط الخيام خخخخخ

تعالوا نتبادل خيوطنا 006

لو دمجتيهم مع بعض واشتغلتي فيهم شنطة تطلع النتيجة قاتلة خخخخخ

سويت منهم شنطة بس للأسف فاتني أصورها لكم

وطبعاً كل الخيطين الشغل فيهم متعب لأنهم كلهم ناشفين..

السعر ماني عارفة لو كان واحد والا لا لكن أنا أخذتهم بـ 5 ريال للكورة الوحدة

***

تعالوا نتبادل خيوطنا 007

خيوط السمكة زي مايسموها كثير أنا جربت حرقت طرف خيط منها بالنار وذاب زي البلاستيك...معناته انها نايلون 100%
سعرها يختلف فيه منها بريالين و 3 ريال و 5 ريال

***
هذا الخيط هدية من صاحبتي وماني عارفة بايش أستعمله لو عرفتوا علموني خخخخ

تعالوا نتبادل خيوطنا 008

(على فكرة لو عندك صاحبة مجنونة كروشيه زيك حتكون أحلى هدية تقدميها لها مجموعة مميزة من الخيوط زي صاحبتي)خخخ

***

حكمل بإذن الله

طبعا اليابانيين ماسابوا حاجة الا وأبدعوا فيها..

حتى في الخيوط:

هذي الخيوط اشتريتها من دايسو أشكالها جنآآآآن وسعرها رخيص 7 ريال سعودي

تعالوا نتبادل خيوطنا 009

هذي عجبتني ألوانها وخامتها مكتوب انها من الألياف الصناعية الممزوجة(عاد ماني فاهمة الكلام ده خخخ)

تعالوا نتبادل خيوطنا 010

وهذي تشوفوها صوف عادي مافيها شي مميز..

لكن تعالوا هنا نتأكد من حاجة:

تعالوا نتبادل خيوطنا 011

صوف صناعي مضاد لرائحة العرق!!!!!

كيف جابوها ؟؟ماني عارفة ...خخخ

***

تعالوا نتبادل خيوطنا 012

هذي الخيوط ماني عارفة ايش هي لكن ألوانها مرة حلوة وغريبة

والشغل فيها يطلع فعلاً مميز..

والسعر معقول 5 ريال سعودي..

طبعا كل الألوان استعملتها في شنطة حنزلها ان شاء الله قريب تشوفوها..

***

والآن مع أقدم خيط عرفه التاريخ خخخخخخ

الخيط الكشميري أبو ريال!!!

تعالوا نتبادل خيوطنا 013

من يوم كنت صغيرة وأنا أشوف الدنيا مليانة منه خخخخ

الغريب فيه انك تلاقي منه ألوان ماتلاقيها في الأنواع التانية!!!

تعالوا نتبادل خيوطنا 014

مافي أي معلومات عنه غير انه دافئ 100% خخخخخخخخخخخ

حتى تلاقي منه ألوان بايخةزي كده خخخخخ

تعالوا نتبادل خيوطنا 015

***

وهذي الخيوط ماني عارفة ايش هي لكن المعلومة الوحيدة عنها انها مصنوعة من الأكريليكيو 100%

تعالوا نتبادل خيوطنا 016

مريحة في الشغل وألوانها كثيرة وسعرها عادي 5-7 ريال سعودي

***
حكمل بإذن الله

» لون بني لشعرك رووووووووووووووووووعه قبل العيد لااااا وطبيعي يلااا تعالوا.....
» لا ترموا علبة معجون اسنان تعالوا شوفوا ايش بنسوي ؟؟
» تعالوا نسوي فريق عمل ونستفيد من بعض بأعمال نترزق الله بيها من الخياطه