دردشة بالفنون اليدويه ... ياليت الكل يشارك :)

حبيت احط هذا الموضوع في هذا القسم

حتى نتعرف على بعض اكثر ونقدم ونبحث عن ما نحبه من الفنون المنوعه

ومنها نعرف ذوق بعض

طبعا عالم الفنون عالم واسع وماله نهايه


حابه اعرف متى حبيتي الفنون اليدويه ؟؟
1- ومتى بديتي بالشغل فيها؟؟
2- وماهو اول عمل اشتغلتيه؟؟
3- وهل ما زلتي تحتفظي فيه؟؟
4- وماهو اكثر عمل فني تحبينه ؟؟
5- ومن شجعك علي الاستمرار فيه ؟؟؟
6- وماهي هواياتك الاخرى ؟؟؟
7- وهل اشغالك الفنيه تعرضينها للبيع او تحتفظي فيها؟؟
8- وهل تستخدميها؟؟
9- هل تعرضينها في بيتك؟؟
10- هل اولادك مثلك يحبون الفن؟؟
11- ما الوانك المفضله ؟؟
12- ماذا تعلمتي من المنتدى؟؟
13- هل تعلمتي احد الفنون من الوالده او الجده او الاصدقاء؟؟
14-لماذا اخترتي اسمك هذا بالمنتدى؟؟
15- من اي بلد انتي ؟ وماهي الفنون المشهوره في بلدك؟؟
16- صوره فنيه اعجبتك (يعني ممكن تنزلين صوره فنيه اعجبتك نشوفها كلنا معاج )

ان شاء الله تعجبكم اسئلتي ... منها نتعرف على بعض ... ومنها نعرف فنون بعض الدول .. ومنها نشوف صور اعمال فنيه ... وغيرها الكثير
ان شاء الله يعجبكم موضوعي واشوف مشاركاتكم

طبعا راح انقل هالموضوع للقسم الثاني واللي جاوبت اهني مولازم تجاوب هناك
واكيد راح ابتدي بنفسي بالاول وبعدها انتظر مشاركاتكم

حابه اعرف متى حبيتي الفنون اليدويه ؟؟

حبيتها من وانا صغيره .. من الابتدائي ويمكن من الروضه ما اذكر مرحلة الروضه ههههههههه... وكنت احب الرسم كثير .... واسمريت بالفنون اليدويه البسيطه في مراحل الدراسه ... لكن بعد الزواج نسيت كل هذااااااا ... لما تعرفت بعدها على منتدى عالم حواء جدد فيني النشاط مره ثانيه

1- ومتى بديتي بالشغل فيها؟؟

بديت باعمال بسيطه تقريبا من اربع سنوات هذا بعد ما تجدد النشاط
2- وماهو اول عمل اشتغلتيه؟؟

كنت اخذ الكراتين واغلفها ههههههههه... واعمل منها مقالم او احفظ فيها بعض الحاجيات

3- وهل ما زلتي تحتفظي فيه؟؟

مازلت احتفظ فيها


4- وماهو اكثر عمل فني تحبينه ؟؟

بصراحه كل الفنون تستهويني لكن الطاغي عليها من حوالي السنه هو الكروشيه لانه عالم جميل وواسع ولا ينتهي وتقدرين تشتغلين فيه باي مكان واي وقت

5- ومن شجعك علي الاستمرار فيه ؟؟؟

طبعا اللي شجعني وعلمني على فن الكروشيه هي الطيور المهاجره والراجية عفو ربها من عالم حواء وعفرووووته حبيبت الكل

6- وماهي هواياتك الاخرى ؟؟؟

كنت احب القرائه ... لكن للاسف تركتها من فتره
7- وهل اشغالك الفنيه تعرضينها للبيع او تحتفظي فيها؟؟

دائما احتفظ فيها ... لكن اهديت كم صديقه من اعمال الكروشيه

8- وهل تستخدميها؟؟

اكيد استخدمها لنفسي ولبناتي وحتى حق عزيزان (عبدالعزيز) عملت له طاقيه

9- هل تعرضينها في بيتك؟؟

بعض الاعمال الفنيه عرضتها في بيتي وكل من يشاهدها تعجبه والحمدالله.. منها بعض اللوحات ومنها اصباغ الجدران
10- هل اولادك مثلك يحبون الفن؟؟

الكبيره ماتحب الفنون كثير لكن لها افكار حلوه ... لكن الصغار يحبون الرسم والفنون اليدويه البسيطه وانا احب اشجهم على هالشي
11- ما الوانك المفضله ؟؟

احب كل الالوان ما اكره اي لون فيهم ... لكن باللبس احب الاسود كثير يمكن لانه يضعفني اشوي ههههههههه

12- ماذا تعلمتي من المنتدى؟؟

تعلمت الكثير والكثير ... واهم حاجه تعرفت على بنات مثل الذهب معدن اصيل لا يتغير ... وهم مثل الخوات لي واكثر

13- هل تعلمتي احد الفنون من الوالده او الجده او الاصدقاء؟؟

للاسف امي وجدتي كان اكثر همهم شغل البيت ... لكن جدتي اتعرف اشوي بالخياطه

14-لماذا اخترتي اسمك هذا بالمنتدى؟؟

اخترت ام عزيزان على اسم ولدي الوسط عبدالعزيز

15- من اي بلد انتي ؟ وماهي الفنون المشهوره في بلدك؟؟

طبعا انا من الكويت ... والفنون منوعه مابين الرسم والاشغال الفنيه والخياطه والازياء وغيره يعني مافي شي محدد

16- صوره فنيه اعجبتك (يعني ممكن تنزلين صوره فنيه اعجبتك نشوفها كلنا معاج )

اعمال كثيره اعجبتني وانا من محبات جمع الصور الفنيه يعني اي صوره تعجبني احتفظ فيها

لكن عجبتني هذى الصوره وهي رسم على دواليب المطبخ

مرسومه بشكل جميل جدا وملفت للنظر




وانتظر مشاركاتكم