بنات تهورت وسويت كيراااااتين

السلام عليكم ياحلوات كيف حالكم من زماااااااااان ما دخلت المنتدى ولا قريت شي طبعا ظروف سفري هي اللي تمنعني والغربه مره انتم عارفين يله خليها على الله المهم انا الحين بالسعوديه ومستااااااااااااااانسه بعيد هنا وموجوده من اول رمضان يازين الديره زيناه ويازين رحتها ااااه بس المهم عندي قرق كثييييييير
وووودي اعلمكم عن تجربتي
قبل يومين رحت للمشغل وقلت لهم ابغى استخف واسوي كيراتين خلااااص تعبت من الكشه
انا شعري مهب شين بالحيل لكنه خفيف وايه تاثيرات خارجيه تنفشه مثلا احتريت وعرقت خلاص ينتفش مثلا جته نقطه ماء خلاص بسم الله الرحمن الرحيم تقوم الكشه طايره كنك حاطه عليه خميره فوريه خخخخخخخخخخخخخخ
المهم اول مارحت لهم غسلو شعري كثير كثير حطت لي شامبو وشكله بلسم او شي يطريه مع العلم اني رحت لهم شعري نظيف وغاسلته بشامبو وبلسم المهم نتفته لي بالغسل بعد كذا راحت فيني سشوار هو بس لين ينشف بعد كذا مسكته خصله خصله نتفه نتفه وهي تحط لي هذا الماده ريحته مدري فانيللا او شوكلت مدري بس ريحته حلوه
المهم بعد كذا خلته بشعري حوالي نص ساعه
ثم ما غسلته قامت تستشوره عشان يتفكك لانه تلاصق ببعضه من الماده ثم جابت السيراميك وبدت تسويه فيه خصله خصله والله اخذ وقت كثير يمكن حوالي خمس ساعات مع انه شعري لحد كتفي ومو ذاك الكثره وسط المهم بعد كذا قالت يله قومي روحي بيتكم وتعالي لي بعد 3 ايام اعيد لك عليه باليبي لس هذا السيراميك وبعده بيوم يعني اليوم الرابع غسليه بشامبو خاص للكيراتين بشتريه من عندهم وطبعا بلسم برضه بشتريه من عندهم وقالت حطي عليه سيروم بعد ما تخلصين من الحمام عشان يكون طبقه عليه يحميه
المهم انا شعري الحين من السيراميك واقف وصاير زي الابر بس ملمسه حلو ومهب طاير او منتفش مع العلم اني احتريت وطبخت فطور وسحور يعني كنت ادش المطبخ واموت حر بس عادي ما تأثر بس من قدام شوي من عند الجوانب عشان الصلاه فيه كم قرعوطه تقولي انها بتروح لما اغسله واستشوره عادي
ايه نسيت قالت لي لا تسوين له كلبسات يعني لا تربطيه ولا تحطينه ورا اذونج ولا حتى شباصه انا متحمسه اغسله خاطري اشوف النتايج حاليا اشوف الشعره كل وحده لحالها مهب متقصفه ان شاء الله نتايجه حلوه ادعو لي بنات